Понедельник, 22.10.2018, 07:38
Приветствую Вас Гость | RSS

МЕЛЬЖЕХСИНСКАЯ СРЕДНЯЯ ОБЩЕОБРАЗОВАТЕЛЬНАЯ ШКОЛА

Меню сайта
Статистика

Онлайн всего: 1
Гостей: 1
Пользователей: 0
Главная » 2015 » Ноябрь » 8 » Владимир Андреевич Колесов кэриэһигэр
01:20
Владимир Андреевич Колесов кэриэһигэр

Владимир Андреевич Колесов кэриэһигэр

Сэтинньи 7 күнүгэр Мэлдьэхсигэ республика экс-чемпиона, спорт кандидатын маастара В.А.Колесов кэриэһигэр саахымакка күрэхтэһии  буолан ааста.

Владимир Андреевич Колесов -  биһиги нэһилиэкпит биир киэн туттар киһибит. Кини 2000 сыллаахха Мэҥэ-Хаҥалас оройуонугар Мэлдьэхсигэ тренеринэн ананан үлэлии кэлбитэ. 2001 сыллаахха Раиса Семеновна Черкашиналыын сүбэлэрин холбоон ыал буолбуттара, тапталларын туоһулара икки уол оҕоломмуттара. Уолаттара Дима, Женя дуобатынан, саахыматынан кыра эрдэхтэриттэн утумнаахтык дьарыктаналлар.

Бу күрэхтэһиигэ уопсайа  73 кыттааччы кэллэ.  Тэрээһин сүрүн сыалынан В.А.Колесов сырдык аатын үйэтитии, саахыматы пропагандалааһын, саахыматчыт маастарыстыбатын үрдэтии, саҥа оонньооччуну көҕүлээһин буолар.

Тыҥааһыннаах киирсии түмүгүнэн:

Кыра саастаах оҕолорго: кыргыттарга – Люба Архипова (Майа), Айсена Птицына (Тумул), Ира Романова (Суола), уолаттарга – Женя Колесов (Суола), Денис Назаров (Майа), Павлик Андросов (Төҥүлү), улахан оҕолорго: кыргыттарга – Ира Николаева (Майа), Ньургуйаана Каплина (Төҥүлү), Туйаара Каплина (Төҥүлү), уолаттарга- Алик Прокопьев (Майа), Дима Колесов (Суола), Айаал Кривогорницын (Суола), улахан дьоҥҥо: дьахталларга-  О.С.Иванова (Суола), А.С.Давыдова (Алараа Бэстээх), С.Н.Ильина (Хорообут),эр дьоҥҥо – Г.Колосов (Майа), М.Каплин (Төҥүлү), П.Цыпандин (Майа), ветеран эр дьоҥҥо- Д.М.Ченянов (Төҥүлү), Р.Р.Романов (Майа), Н.Р.Климентов (Майа)  бастаатылар уонна призердаатылар.

В.А.Колесов чугас дьоно, тэрийээччилэр  олохтоох дьаһалтаҕа, оскуола, оҕо саадын, кулууп, ЖКХ, коллективыгар, Степановтар,  Семеновтар, И.П.Птицына дьиэ кэргэттэригэр уонна улуустааҕы спорт уонна физическэй культура управлениетын салайааччы А.Р.Брызгаловка, улуустааҕы саахымат федерациятыгар, улуус үөрэҕин управлениетын профсоюһугар  күрэхтэһии ыытылларыгар  сүрүн төһүү күүс буолбуттарыгар муҥура суох махталларын биллэрэллэр.

Күрэхтэһии түмүгэр кыайыылаахтарга В.А.Колесов кэргэнэ, оҕолоро, чугас дьоно уонна үөһээ ааттаммыт тэрилтэлэр туруорбут сыаналаах бэлэхтэрэ, грамоталара туттарылыннылар.

Женя Романова, 7 кыдаас, “Үктэл” пресс-киин

 

В.А.Колесов чугас дьоно уонна күрэхтэһии кыайыылаахтара

В.А.Колесов кэргэнэ Р.С.Черкашина уонна уолаттара Дима, Женя

Просмотров: 181 | Добавил: school | Рейтинг: 0.0/0
Всего комментариев: 0
avatar
Поиск
Календарь
«  Ноябрь 2015  »
ПнВтСрЧтПтСбВс
      1
2345678
9101112131415
16171819202122
23242526272829
30
Телефон доверия: 8-(4112)-42-10-28 +7 (495) 104-68-38 Горячая линия ЕГЭ: 8-(4112)-42-10-46 ОГЭ : 8-(4112)-42-10-48 +7 (495) 984-89-19

Copyright MyCorp © 2018
Конструктор сайтов - uCoz