Суббота, 18.08.2018, 10:05
Приветствую Вас Гость | RSS

МЕЛЬЖЕХСИНСКАЯ СРЕДНЯЯ ОБЩЕОБРАЗОВАТЕЛЬНАЯ ШКОЛА

Статистика

Онлайн всего: 1
Гостей: 1
Пользователей: 0
Главная » 2017 » Февраль » 13 » Саха тылын уонна сурук – бичик кунэ
15:26
Саха тылын уонна сурук – бичик кунэ

Олунньу ый 13 кунэ – Саха тылын уонна сурук – бичик күнүгэр о5олор, учууталлар, үлэһиттэр сарсыардаттан сахалыы таҥастаах кэлэн үөрэннибит, үлэлээтибит. Оскуола иһэ сахалыы тыынынан, саймаархай санаанан туолла. Үһүс уруок кэннэ үөрүүлээх линейка ыытылынна. Линейка Мэҥэ–Хаҥалас гиминэн са5аланна. Оскуола музейын төрүттээччи, салайааччы Андросова Н.К. мустубут о5олорго, детсад иитиллээччилэригэр Мэҥэ-Хаҥалас төрүттэммит күнүн сырдатта, историятын кэпсээтэ. Ол кэннэ, библиотекарь Протопопова А.П. саха тылын, алфавитын теруттээччи С.А. Новгородов оло5ун, үлэтин туһунан сырдатта, кэнчээри ыччакка төрөөбүт тыл күнүн сүдү суолтатын иҥэрдэ. Линейка 50 тахса киһи кыттыылаах улахан оһуохайынан түмүктэннэ. Оһуохайы Андросова Н.К. уонна Петрова Ю.Н. таһаардылар. Саха тылын күнүгэр оскуола остолобуойун повардара о5олорго сылаас алаадьынан уонна саламаатынан күндүлээтилэр.

Төрөөбүт төрүт тыл күнэ эбиэттэн киэһэ «Мин остуолум сахалыы астара» диэн кылаастарынан быыстапка күрэ5инэн түмүктэннэ. Манна кылаас о5олоро, төрөппүттэр эт ас, балык ас, үрүҥ ас уонна бурдук ас көрүҥнэригэр күрэхтэстилэр. Бары кылаас бэртээхэйдик тэринэн, киэргэнэн, оҥостон кэлбиттэрэ көрөөччүлэри үөртэ уонна сөхтөрдө. Тэрээһини дириэктэри иитэр улэ5э солбуйааччы Петрова Ю.Н. иилээн- са5алаан ыытта. Дьүллүүр сүбэ састаабыгар: үөрэ5ирии туйгуна, «Төлкө» кыраайы үөрэтэр оскуола музейын салайааччыта, төрүт культура учуутала Андросова Н.К. уонна о5олору агро хайысхатыгар үөрэтэр, такайар, «Төрүт дьарык», «Цветоводство» учуутала Охлопкова Л.Е. буоллулар. Быыстапка түмүгүнэн, алын сүһүөх үөрэнээччилэригэр 1 миэстэни 2 кылаас, 2 миэстэни 1 кылаас уонна 3 миэстэни 3 кылаастар ыллылар. Орто сүһүөх кылаастарга 1 миэстэни 7 кылаас, 2 миэстэни 8 кылаастар уонна 3 миэстэни 6 кылаастар ыллылар. Төрөппүттэргэ уонна кылаас салайааччыларыгар күүскүт – көмө5үт иһин улаханнык махтанабыт!

Просмотров: 198 | Добавил: school | Рейтинг: 0.0/0
Всего комментариев: 0
avatar
Поиск
Календарь
«  Февраль 2017  »
ПнВтСрЧтПтСбВс
  12345
6789101112
13141516171819
20212223242526
2728
Телефон доверия: 8-(4112)-42-10-28 +7 (495) 104-68-38 Горячая линия ЕГЭ: 8-(4112)-42-10-46 ОГЭ : 8-(4112)-42-10-48 +7 (495) 984-89-19

Copyright MyCorp © 2018
Конструктор сайтов - uCoz