Среда, 19.12.2018, 10:12
Приветствую Вас Гость | RSS

МЕЛЬЖЕХСИНСКАЯ СРЕДНЯЯ ОБЩЕОБРАЗОВАТЕЛЬНАЯ ШКОЛА

Меню сайта
Статистика

Онлайн всего: 1
Гостей: 1
Пользователей: 0
Главная » 2014 » Ноябрь » 19 » Литературнай постановка
07:00
Литературнай постановка

     Сэтинньи 14 күнүгэр академик А.В.Чугунов аатынан агро хайысхалаах Мэлдьэхси орто оскуолатыгар “Сыл бастыҥ кылааһа” бырайыак чэрчитинэн айымньы сюжеттарынан инсценировка туруоруутун күрэҕэ буолан ааста.

    11 кылаас үөрэнээччилэрэ Айыына Охлопкова уонна Мотя Захарова  дьоро киэьээни иилээн –саҕалаан ыыттылар. Кыттааччылар икки бөлөҕүнэн арахсаннар:  2-6 кылаас, 7-10 кылаас үөрэнээччилэрэ күрэхтэстилэр.  Нуучча норуотун “Колобок” остуоруйутуттан  саҕалаан Суорун Омоллоон “Хараҥаҕа тыкпыт сырдык” кэпсээнигэр тиийэ араас айымньыттан ылыллыбыт инсценировкалар оскуола киэьэтин киэргэттилэр. Коридор  устун сүүрэ сылдьар кырачаан куобахтар, ыттар, саһыллар, ол быыһыгар Кыһыл Бэргэһэчээн, кыһыл көмүс балык, эриэппэ саҥа дьыл тыынын биллэрэн киһи сүргэтин көтөҕөллөр.  Сыана иннигэр тоҕуоруһан тураллара  бары даҕаны кыайыах-хотуох, миэстэлэһиэх курдуктар.

      Бэйэм көрүүбэр 10 кылаас оҕолоро “Колобок” остуоруйатын оонньообуттарын ордук биһирээтим. Онтон көрөөччүлэр ханнык кылааһы бэлиэтии көрбүттэрин ыйыталастым.

Шура Свинобоева, 4 кылаас:

  • Мин 6 кылаас (Т.И.Федорова) оҕолоро А.С.Пушкин  “Кыһыл көмүс балык” остуоруйатын оонньообуттарын сөбүлүү көрдүм. Тоҕо диэтэр, көстүүмнэрэ, оонньууллара ордук  чаҕылхай этэ.

Антон Григорьев, 8 кылаас:

  • Кылаас бары олус көхтөөхтүк кытыннылар. Мин 5 кылаас (Т.А.Игнатьева) оҕолоро көстүүм, декорация, тыл-өс өттүнэн ордук бэлэмнээхтэр диэн көрдүм.

 

     Дьүүллүүр сүбэҕэ А.П.Семенова саха тылын уонна литературатын, А.С.Сокольникова нуучча тылын уонна литературатын, Н.С.Санникова омук тылын учууталлара  уонна А.П.Протопопова библиотекарь үлэлээтилэр. Күрэх түмүгүнэн ,бастакы  бөлөххө маҥнайгы  миэстэ бэһис кылаас “Кыһыл Бэргэһэчээн” (кылаас салайааччыта Т.А.Игнатьева), иккис  миэстэ алтыс кылаас  “Кыһыл көмүс балык” (кыл.сал. Т.И.Федорова), үһүс миэстэ төрдүс  кылаас “Таал-таал эмээхсин” (А.Н.Герасимова) . Иккис  бөлөххө бастакы  миэстэ тохсус кылаас “Репка” (Р.А.Шарина), иккис миэстэ онус кылаас “Колобок” (С.К.Плотникова), үһүс  миэстэ сэттис кылаас “Хараҥаҕа тыкпыт сырдык” (Т.Н.Колесова) буоллулар. Дьүүллүүр сүбэ инникитин кыттыыга сүбэ-ама биэрдэ, баҕа санааларын эттилэр уонна аны саас маннык күрэҕи ыытарга былааннаатылар.

     Инникитин да маннык кэрэхсэбиллээх тэрээһиннэр ыытылла турдуннар диэн баҕа санаабын этэбин.

 

Юля Яковлева, 9 кылаас, “Үктэл” пресс-киин

Просмотров: 146 | Добавил: petr | Рейтинг: 0.0/0
Всего комментариев: 0
Поиск
Календарь
«  Ноябрь 2014  »
ПнВтСрЧтПтСбВс
     12
3456789
10111213141516
17181920212223
24252627282930
Телефон доверия: 8-(4112)-42-10-28 +7 (495) 104-68-38 Горячая линия ЕГЭ: 8-(4112)-42-10-46 ОГЭ : 8-(4112)-42-10-48 +7 (495) 984-89-19

Copyright MyCorp © 2018
Конструктор сайтов - uCoz