Четверг, 21.06.2018, 07:55
Приветствую Вас Гость | RSS

МЕЛЬЖЕХСИНСКАЯ СРЕДНЯЯ ОБЩЕОБРАЗОВАТЕЛЬНАЯ ШКОЛА

Статистика

Онлайн всего: 1
Гостей: 1
Пользователей: 0
Главная » 2015 » Декабрь » 15 » ЛИТЕРАТУРНАЙ КӨРСҮҺҮҮ
06:04
ЛИТЕРАТУРНАЙ КӨРСҮҺҮҮ

Алаас вальса ырыа сүрэхтэниитэ

2015 сылы Россия президенэ В.В.Путин литература сылынан биллэрбитэ.  Сылбыт этэҥҥэ олус таһаарыылаахтык түмүктэнэн эрэр. Ол курдук биһиги,  академик А.В.Чугунов аатынан Мэлдьэхси орто оскуолата,   бэртээхэй  литературнай көрсүһүүгэ кыттан  кэллибит. Литература сылын чэрчитинэн ДьТХА- ҕа биир дойдулаахпыт СӨ АН вице-президенэ, РФ уонна СӨ наукатын бочуоттаах деятелэ, тыа хаһаайыстыбатын наукатын доктора, профессор, Россия суруйааччыларын сойууһун чилиэнэ, суруналыыс, прозаик, поэт  А.В.Чугунов  “Алаас вальса” хоһооно ырыа буолан кынаттанар долгутуулаах тэрээһинэ буолан ааста. 

Афанасий  Васильевич Чугунов – Россия үрдүнэн киэҥник биллэр аграрник – учуонай, академик. Итинник бөдөҥ учуонай поэзияҕа ылсыһыыта сэдэх. Афанасий Васильевич поэзияҕа 1994  сыллаахха тахсыбыт “Ытык дьонум”, “Айанныырга сананным” диэн хоһооннор хомуруунньуктарынан киирбитэ. Ол кэнниттэн суруйааччы хас да хоһооннорун кинигэтэ уонна эссетэ, сэһэнэ күн сирин көрбүттэрэ.

  Бу дьоро күҥҥэ күндү ыалдьыт буолан, Сахабыт сирин биир улахан композитора  Захар Константинович  Степанов , “Чолбон” сурунаал проза отделын сэбиэдиссэйэ, суруйааччылар сойууһун чилиэнэ Иван Иванович Осипов - Уйбаан Ойуур, республика  бөдөҥ  учуонайа   Юрий Михайлович  Григорьев (физико-математическай наука доктора)  уо.д.а.,  устудьуоннар  кыттыыны  ыллылар. Тэрээһин аан дойдуга  аатырбыт “Сандал” ансаамбыл  “Сайылык оҕолоро”  эҕэрдэ нүөмэринэн саҕаланна. Дьоро күммүт үөрүүлээх чааһа ДьТХА устудьуоннарын “Нуурал” ансаамбыл  толоруутугар А.Чугунов – Нооһой тылларыгар,  З.Степанов матыыбыгар  “Алаас вальса”  ырыа буолла. Ырыа  олус кэрэ вальсынан   киэркэйдэ. Буруолуу сылдьар ырыа  сүрэхтэниитин кэннэ тыл бэрилиннэ РФ уонна СР искусстволарын үтүөлээх деятелигэр, РСФСР композитордарын сойууһун уонна  П.А.Ойуунускай аатынан премия лауреатыгар, композиторыгар Захар Константинович Степановка. Захар Константинович: “Афанасий Васильевич хоһоонугар матыып суруйарга ыарахаттары көрсүбэтим, хас биирдии алаастан төрүттээх ааҕааччы, истээччи бу ырыа, хоһоон сүрүн санаатын тута таайыа, өйдүө дии саныыбын,”-  диэн бэлиэтээтэ.

Суруйааччы  Уйбаан Ойуур : “Поэт үрдүкү ситиһиитинэн,  киэҥ араҥаҕа биллиитинэн кини хоһоонугар матыып суруллан ырыа буолан кынаттаныыта. Онон Афанасий  Васильевичка норуот билиниитин ыларыгар баҕа санаабын этэбин”,– диэн эттэ.

 

Салгыы устудьуоннар Нооһой хоһооннорун ааҕан иһитиннэрдилэр. Ол кэннэ, биһиги үөрэнээччилэрбит,  Леня Борисов  Нооһой тылларыгар  “Агро оскуола гимна” ырыа  толордо уонна  Нооһой Аҕа дойду Улуу сэриитин толоонугар охтубут бииргэ төрөөбүт  убайдарыгар  Иннокентий уонна Гаврил Чугуновтарга  анаммыт  “Убайдарым куттара”  хоһоонунан композиция көрдөрдүлэр. 

Көрсүһүү түмүгэр Афанасий Чугунов бары мустубут ыалдьыттарга, кыттааччыларга муҥура суох махталын биллэрдэ уонна бэйэтин айар үлэтин туһунан кэпсээтэ.

Афанасий Васильевич биһиги Мэлдьэхсибититтэн төрүттээх  биир тумус туттар суруйааччыбыт. Онон биир дойдулаахтарын ааттарыттан Афанасий Васильевичка хоһоонноро өссө да  ырыа буолан кынаттана турдуннар диэн баҕарабыт.

“Үктэл” пресс-киин

Просмотров: 144 | Добавил: school | Рейтинг: 0.0/0
Всего комментариев: 0
Поиск
Календарь
«  Декабрь 2015  »
ПнВтСрЧтПтСбВс
 123456
78910111213
14151617181920
21222324252627
28293031
Телефон доверия: 8-(4112)-42-10-28 +7 (495) 104-68-38 Горячая линия ЕГЭ: 8-(4112)-42-10-46 ОГЭ : 8-(4112)-42-10-48 +7 (495) 984-89-19

Copyright MyCorp © 2018
Конструктор сайтов - uCoz