Пятница, 16.11.2018, 17:33
Приветствую Вас Гость | RSS

МЕЛЬЖЕХСИНСКАЯ СРЕДНЯЯ ОБЩЕОБРАЗОВАТЕЛЬНАЯ ШКОЛА

Меню сайта
Статистика

Онлайн всего: 1
Гостей: 1
Пользователей: 0
Главная » 2016 » Март » 22 » Кэрэ куолар күрэхтэрэ
00:36
Кэрэ куолар күрэхтэрэ

Кэрэ куолар күрэхтэрэ

Биһиги “Хатыҥчаан” детсаппытыгар “Сир симэҕэ”, оскуолабытыгар  “Суолаана Куо” диэн  кэрэ куолар конкурстара буолан ааста. 

Кырачаан кыргыттарбытыгар  Юлиана Протопопова, Айыллаана Игнатьева, Сайнаара  Сокольникова, Айыына Ощепкова, Карина Неустроева, Сайаана Винокурова, Алина Степанова, Айсена Степанова, оскуола үрдүкү кылаас кыргыттарыгар Шура Свинобоева (5 кылаас), Люба Андреева (6 кылаас), Кристина Герасимова (7 кылаас), Кристина Куприанова (9 кылаас), Юля Яковлева (10 кылаас), Лена Шарина (11 кылаас) кытыннылар.

“Сир симэҕэ” күрэххэ биэс түһүмэххэ күрэхтэстилэр, ол курдук  бэйэни билиһиннэрии, дьиэҕэ үлэни толоруу (минньигэс ас), ырыа ыллааһын, сибэкки туһунан кэпсээһин, аппликация (тута сорудах).

“Суолаана Куо” күрэх алта түһүмэҕинэн буолла: дефеле, имигэс илии (тута сорудаҕы толоруу), талба талаан, өркөн өй, дьиэҕэ улэ (минньигэс ас), киэһээҥҥи таҥас.

Күрэхтэһии олус тыҥааһыннаахтык барда, кыргыттарбыт  бары да кэрэлэрэ, хас биирдии түһүмэххэ бэлэмнэрэ, көхтөөхтөрө көрөөччүлэри үөртэ, астыннарда.  Түмүккэ кэрэчээн кыргыттарбытыгар анал ааттар ананнылар, ол курдук “Сир симэҕэ” күрэххэ: “Кыра хаһаайка” - Сайнаара Сокольникова, “Уһун суһуох” - Айыына Ощепкова, “Чобуо чоруос”- Алина Степанова, “Көмүс күөрэгэй” - Айсена Степанова, “Талаан тарбах” - Айыллаана Игнатьева, “Намыына Куо”- Карина Неустроева, “Кыталык Куо” - Сайаана Винокурова уонна “Кэрэчээн сибэкки”- Юлиана Протопопова.

“Суолаана Куо” күрэххэ: “Кэрэ көстүү”- Шура Свинобоева, “Талба талаан” – Кристина Куприанова, “Өркөн өй” – Кристина Герасимова, “Имигэс илии” - Юля Яковлева, “Көрөөччү биһирэбилэ” – Люба Андреева уонна кыайыылаах “Суолаана Куо” Лена Шарина буолла. Көрөөччүлэр да, кыттааччылар да астына-дуоһуйа тарҕастылар.

Просмотров: 204 | Добавил: school | Рейтинг: 0.0/0
Всего комментариев: 0
avatar
Поиск
Календарь
«  Март 2016  »
ПнВтСрЧтПтСбВс
 123456
78910111213
14151617181920
21222324252627
28293031
Телефон доверия: 8-(4112)-42-10-28 +7 (495) 104-68-38 Горячая линия ЕГЭ: 8-(4112)-42-10-46 ОГЭ : 8-(4112)-42-10-48 +7 (495) 984-89-19

Copyright MyCorp © 2018
Конструктор сайтов - uCoz