Суббота, 18.08.2018, 10:05
Приветствую Вас Гость | RSS

МЕЛЬЖЕХСИНСКАЯ СРЕДНЯЯ ОБЩЕОБРАЗОВАТЕЛЬНАЯ ШКОЛА

Статистика

Онлайн всего: 1
Гостей: 1
Пользователей: 0
Главная » 2018 » Март » 21 » Кэрэ аҥардар күннэрэ
04:36
Кэрэ аҥардар күннэрэ

Кэрэ аҥардар күннэрэ

Сандал сааспыт сандаарыйа кэлиитин туоһулуур, сааскы маҥнайгы бырааһынньык - Аан дойду кэрэ аҥаардар күннэрэ тиийэн кэллэ. Хас биирдии оскуолаларга бу бырааһынньык чэрчитинэн тэрээһиннэр былааннаахтык ыыталлаллар.

Ол курдук биһиги оскуолабытыгар араас көрүҥнээх кылаас чаастара, сылын аайы ыытыллар “Пятерка для мамы» акция, “Мин ийэм” портретка уруһуй күрэхтэрэ уонна оскуола кыргыттарыгар “Суолаана Куо- 2018” кэрэ кыргыттар күөн күрэстэрэ буолан ааста.

«Сааскылаана Куо» күрэхпит Кривогорницын А.Г. аатынан Мэлдьэхси сынньалаҥ киинигэр нэһилиэк олохтоохторун тумэ татта. Эбээлэр, эһээлэр, ийэлэр, аҕалар, балтылар, бырааттар бары кыргыттарыгар күүс – көмө буола тоҕуоруһа муһуннулар. Алыҥ кылаас кыргыттарыгар барыта түөрт кыыс, улахан кылаас кыргыттарыгар эмиэ түөрт кыыс көхтөөхтүк уонна тэрээһиннээхтик кыттыыны ыллылар. Күрэх түһүмэхтэринэн бэйэни билиһиннэрии, талааны көрдөрүү , авангард мода, сандалы остуол астар уонна киэһээҥҥи былааччыйа диэн ыытылыннылар. Тыҥааһыннаан киирсии кэнниттэн кыра кыргыттарга: «Нарыйаана Куо» анал ааты Валерия Игнатьева 3 кылаас үөрэнээччитэ ылла, «Кэрэчээнэ Куо» анал ааты Неустроева Ксюша 4 кылаас үөрэнээччитэ буолла, «Чэмэлиинэ Куо» анал ааты Эверстова Карина 5 кылаас үөрэнээччитэ ылла, уонна кыайыылааҕынан “Суолаана Куо - 2018” үрдүк ааты Степанова Сандаара 1 кылаас үөрэнээччитэ сүктэ.

Улахан кылаас кыргыттарыгар, “Туналы Куо” анал ааты 8 кылаас үөрэнээччитэ Боярова Кыыдаана ыыла, “Намыына Куо” анал аат Тарабукина Марина 6 кылаас үөрэнээччитигэр туттарылынна, “Мичийэ Куо” анал аат Черемхина Вероника 11 кылаас кэрэ куота буолла уонна кыайыылаах «Суолаана Куо –2018» үрдүк ааты ылан, аалай кыһын лиэнтэни уонна сахалыы бастыҥаны Куприянова Карина 9 кылаас кэрэ куота кэтэн үөрүү – көтүү өрөгөйүн биллэ.

Маны таһынан «Суолаана Куо – 2018» кэрэ куолар күрэхтэрэ буолуон биир нэдиэлэ иннинэ meldekhsi_school оскуола страницатыгар, «Instagram Куо» көрөөччүлэр биһирэбиллэрин аһаҕас куоластааһына ыытыллыбыта. Манна улахан кылаас кыргыттарыгар 250 куоластаах Вероника Черемхина уонна кыра кылаас кыргыттарыгар 115 куоластаах Эверстова Карина кыайыылаах та5ыстылар.

«Мин ийэм» портрет уруһуй күрэҕэр барыта 21 уруһуй быыстапкаҕа туруорулунна. Алыҥ кылаас оҕолоро кылааһынан бары кыттыбыттара биһирэнэр. Күрэх түмүгэр улахан кылаас оҕолоругар бастакы миэстэни Боярова Кыыдаана уонна Брызгалова Женя ыллылар. Кыра кылаас оҕолоругар 1 миэстэни Игнатьева Юлианна, 2 миэстэни Егорова Уйгулаана, 3 миэстэни Охлопкова Алина ыллылар.

Просмотров: 24 | Добавил: school | Рейтинг: 0.0/0
Всего комментариев: 0
avatar
Поиск
Календарь
«  Март 2018  »
ПнВтСрЧтПтСбВс
   1234
567891011
12131415161718
19202122232425
262728293031
Телефон доверия: 8-(4112)-42-10-28 +7 (495) 104-68-38 Горячая линия ЕГЭ: 8-(4112)-42-10-46 ОГЭ : 8-(4112)-42-10-48 +7 (495) 984-89-19

Copyright MyCorp © 2018
Конструктор сайтов - uCoz