Суббота, 18.08.2018, 10:05
Приветствую Вас Гость | RSS

МЕЛЬЖЕХСИНСКАЯ СРЕДНЯЯ ОБЩЕОБРАЗОВАТЕЛЬНАЯ ШКОЛА

Статистика

Онлайн всего: 1
Гостей: 1
Пользователей: 0
Главная » 2017 » Декабрь » 20 » ЮБИЛЕЙ 110
05:06
ЮБИЛЕЙ 110

Оскуола 110 сыллаах Үбүлүөйэ.

Ахсынньы ый 16 күнүгэр тапталлаах оскуолабыт 110 сыллаах үбүлүөйүн үөрүүлээх күнэ буолан ааста.

Сарсыардаттан оскуолабытыгар араас кэмҥэ үөрэнэн бүтэрбит выпускниктарбыт, үлэлээн ааспыт учууталларбыт ыалдьыттыы муһуннулар. Оскуола оҕолоро учууталларын кытта бэрт сэргэх, истиҥ – иһирэх кылаас чаастарын бэлэмнээн ыалдьыттарбытын үөртүлэр. Ол курдук, 1940-1984 сылларга бүтэрбит выпускниктары 9-11 кылаас үөрэнээччилэрэ көрүстүлэр. Кылаас салайааччылара Степанова И.Е., Колесова Т.Н.,Аргунов И.И. 1985-1999 сылларга бүтэрбит выпускниктары 5-8 кылаас үөрэнээччилэрэ көрүстүлэр. Кылаас салайааччылара Плотникова С.К., Макарова М.М., Сыромятников И.И., Шкулева Н.И. Онтон 2000-2017 сылларга бүтэрбит оҕолорбутун 1-4 кылаас оҕолоро үөрэ – көтө көрүстүлэр. Кылаас салайаачылара Кривогорницына А.В., Власова Л.В., Герасимова А.Н., Сивцева Л.А.

Үөрүүлээх чааһа Мэлдьэхси нэһилиэгин сынньалаҥ киинигэр ыытылынна. Церемония оскуола сайдан кэлбит историятын 5 эр бэртэрэ, 5 ыччат уолаттар, 5 оскуола уолаттарын кэпсээһинтэн саҕаланна. Манна көлүөнэ ситимэ, кэм – кэрдии солбуһуута, саха идеологията барыта толору арылынна. Оскуола коллективын, үөрэнээччилэрин эҕэрдэлээн Россия уонна Саха сирин республикатын билимнэрин үтүөлээх деятилэ, тыа хаһаайыстыбатын билимин дуокатара, профессор, Саха сирин республикатын билимин академиятын акакдемига, республикаҕа агрооскуолалары төрүттээччи, Россия суруйааччыларын союһун чилиэнэ, оскуолабыт выпускнига Афанасий Васильевич Чугунов, Российскай Федерация үтүөлээх экономиһа, Саха республикатын норуотун хаһаайыстыбатын үтүөлээх үлэһитэ, оскуола выпускнига, попечителэ Владимир Ильич Птицын, Мэҥэ Хаҥалас улууһун баһылыгы экономическай сайдыыга уонна инвестиционнвй политикаҕа солбуйааччы Владимир Владимирович Птицын, Мэҥэ Хаҥалас депутаттарын сэбиэтин председателэ Андрей Михайлович Находкин, Саха республикатын үөрэххэ министерствотын аатыттан хонтуруолга уонна кэтээн көрүүгэ департаменын үөрэх хаачыстыбатын хонтуруоллуур отделын салайааччытын солбуйааччыта Светлана Вячославовна Шарина, Мэҥэ Хаҥалас улууһун үөрэҕин управлениятын салайааччыта Ирина Васильевна Черкашина, Мэҥэ Хаҥалас улууһун директордара уонна үөрэҕирии үлэһиттэрин профсоюзнай холбоһуктарын председателэ Степан Андреевич Андреев, Мэлдьэхси нэһилиэгин баһылыга Валерий Георгиевич Никифоров, оскуола директора Лариса Дмитриевна Сыромятникова тыл эттилэр.

“Дьоллоох оҕо сааһым кыһата” көлүөнэлэринэн көрсүһүү үрдүк таһымнаахтык ыытылынна. Манна оскуоланы араас кэмҥэ бүтэрбит выпускнитарбыт үөрэммит сылларын, үөрэппит учууталларын истиҥник санаһан, ахтыһан аастылар. Тумус туттар, убаастыыр, киэҥ туттар дьоннорбут Иннокентий Маркович Сыромятников, Владимир Ильич Птицын, Иннокентий Константинович Сидоров, Владимир Яковлевич Шарин уонна да атын выпускниктар эҕэрдэ тыл эттилэр. Үөрэммит, кынат үүннэрбит оскуолаларыгар өйдөбүнньук бэлэхтэри туттардылар.

110 сыллаах долгутуулаах, кэтэһиилээх, үөрүүлээх оскуолабыт Үбүлүөйэ Үрдүк тэрээһиннээхтик ыытыланна диэн бэлиэтиибит. Бары үөрэнээччилэрбитигэр, учууталларбытыгар, үлэһиттэрбитигэр махталбытын этэбит.

Просмотров: 49 | Добавил: school | Рейтинг: 0.0/0
Всего комментариев: 0
avatar
Поиск
Календарь
«  Декабрь 2017  »
ПнВтСрЧтПтСбВс
    123
45678910
11121314151617
18192021222324
25262728293031
Телефон доверия: 8-(4112)-42-10-28 +7 (495) 104-68-38 Горячая линия ЕГЭ: 8-(4112)-42-10-46 ОГЭ : 8-(4112)-42-10-48 +7 (495) 984-89-19

Copyright MyCorp © 2018
Конструктор сайтов - uCoz