Среда, 19.12.2018, 10:44
Приветствую Вас Гость | RSS

МЕЛЬЖЕХСИНСКАЯ СРЕДНЯЯ ОБЩЕОБРАЗОВАТЕЛЬНАЯ ШКОЛА

Меню сайта
Статистика

Онлайн всего: 1
Гостей: 1
Пользователей: 0
Главная » 2014 » Сентябрь » 13 » Быыстапка-дьаарбаҥка
09:51
Быыстапка-дьаарбаҥка

Быыстапка-дьаарбаҥка

   Ааспыт нэдиэлэ бдүтүүтэ биһиги агро-оскуолалар быыстапка-дьаарбаҥкаларыгар баран кыттан кэллибит. Быыстапка Аллараа Бэстээххэ буолбута. Улуус  7 агро-оскуолата кэлбит этилэр. Манна холбуу лааҕырдар сайыҥҥы үлэлэрин түмүгүн таһаарыы буолбута.  

   Академик А.В.Чугунов аатынан Мэлдьэхси орто оскуолата агропрофилированнай оскуола быһыытынан үлэлээбитэ быйыл онус сыла. Сылтан сыл аайы оҕолор үүнээйилэрин эбэн, опытнай үлэни өссө кэҥэтэн иһэллэр. Быйыл сайын биһиги хортуоппуй, хаппыыста, моркуоп, сүбүөкүлэ, оҕурсу, помидор, биэрэс, баклажан, укроп, салат олордубуппут. Моонньоҕону, яблоконы, газону олордон хаһыс да сылын боруобалыыбыт. Оскуолабыт тэлгэһэтэ сибэкки арааһынан симэнэр. Лааҕырбыт “Ростик” диэн, Алевтина Васильевна Кривогорницына, Лена Афанасьевна Сивцева хаһыс да сылын салайан үлэлэтэллэр. Быйыл сайын 25 оҕо үлэлээбитэ. Итини таһынан агро-оскуолаҕа сылгы, ынах сүөһүнү көрөбүт. Оскуола бас билиитигэр балыктаах күөл, оттонор ходуһа баар.

   Быыстапка-дьаарбаҥкаҕа биһиги хас да куул хортуоппуй, хаппыыста, моркуоп, сүбүөкүлэ атыыга илдьибиппит. Итини таһынан салат, лечо, винегрет, моонньоҕон барыанньата астаан атыылаабыппыт. Убаһа этэ, балык эмиэ баара. Убаһа этиттэн ас арааһын, соркуойдаммыт балыгы дьон үөрэ-көтө атыыласпыттара. Итини таһынан оскуолабыт таһын, сайын лааҕырга үлэлээбиппитин хаартыскаҕа түһэрэн быыстапкаҕа кытынныбыт. Быыстапкаҕа биһиги оскуолабыт атыылаан киллэрбит харчытынан “Күннээҕи атыы” номинацияҕа 1 миэстэҕэ тигистэ. Итиэннэ “Бастыҥ ландшафтный дизайн” көрүүгэ кыттан сертификатынан бэлиэтэннибит. Охлопкова Людмила Егоровна салайыытынан оҕолор оскуола иннин көрбүт эрэ сөҕүөн курдук киэргэппиттэр этэ. Лааҕыр сайыҥҥы үлэтигэр “Сайын чаҕылхай түгэннэрэ” номинация кыайыылааҕынан таҕыстыбыт. Сайын 10 оҕо Охлопкова Туяра Александровна уонна Кривогорницына Мария Ивановна салайыыларынан улуустааҕы дьарыктаах буолуу кииниттэн хамнастанан үлэлээбитэ. Онно биһиги оскуолабыт анал бириискэ тигистэ. Үчүгэйдик үлэлээбит Колесов Ян (9 кыл.), Кривогорницын Павел (11 кыл.) грамотанан наҕараадаланнылар. Агро-оскуолалар үлэлэрин уопсай көрүү түмүгүнэн академик А.В.Чугунов аатынан Мэлдьэхси орто оскуолата 3 миэстэ буоллубут (директор Сыромятникова Л.Д.).

  Онон биһиги сайыҥҥы үлэбит үчүгэйинэн сыаналанан, ситиһиилээхтик кыттан астынан, атын оскуолалары көрөн дуоһуйан кэллибит.

                           Сивцева Милена, Шарина Сардана, 8 кылаас,

                           Мэлдьэхси 

Просмотров: 139 | Добавил: petr | Теги: академикчугунов, дьаарбаҥка, быыстапка | Рейтинг: 4.0/1
Всего комментариев: 0
Поиск
Календарь
«  Сентябрь 2014  »
ПнВтСрЧтПтСбВс
1234567
891011121314
15161718192021
22232425262728
2930
Телефон доверия: 8-(4112)-42-10-28 +7 (495) 104-68-38 Горячая линия ЕГЭ: 8-(4112)-42-10-46 ОГЭ : 8-(4112)-42-10-48 +7 (495) 984-89-19

Copyright MyCorp © 2018
Конструктор сайтов - uCoz