Пятница, 16.11.2018, 17:19
Приветствую Вас Гость | RSS

МЕЛЬЖЕХСИНСКАЯ СРЕДНЯЯ ОБЩЕОБРАЗОВАТЕЛЬНАЯ ШКОЛА

Меню сайта
Статистика

Онлайн всего: 1
Гостей: 1
Пользователей: 0
Главная » 2015 » Май » 6 » Бастакы летчик дьахтар
01:45
Бастакы летчик дьахтар

Бастакы летчик дьахтар

Аҕыйах хонугунан Улуу Кыайыы 70 сыллаах үбүлүөйүн бэлиэтээри сылдьабыт. Хомойуох иһин, күн-түүн кыайыыны уһансыбыт ветераннарбыт орто дойдуттан арахсан барыылара үксээтэ. Хас биирдии нэһилиэк, дьиэ кэргэн олорон ааспыт ытык дьоммут олохторун  үйэтитэр араас тэрэһиннэри, сырдатар үлэлэри ыыталлар.

Мин илиибэр тутан олоробун  биһиги биир дойдулаахпыт Кривогорницына Татьяна Павловна ахтыыларынан хомуллан оҥоһуллубут “Саха дьахталларыттан бастакы летчик” – олоҕун сырдатар буруолуу сылдьар кинигэни. Бу кинигэ ааптара – оскуола боруогун атыллаан олох киэҥ аартыгар үктэнээри сылдьар 11 үөрэнээччитэ  Павел Кривогорницын. Академик А.В.Чугунов аатынан Мэлдьэхси орто оскуолатыгар муус устар 23 күнүгэр Павел Кривогорницын кинигэтин сүрэхтэнии киэһэтэ буолан ааста. Павел Н.К.Андросова салайыытынан кыра кылаастан Татьяна Кривогорницына туһунан чинчийэр үлэнэн дьарыктанар. Туох санааттан  бу үлэни ылсыбытын туһунан  Павел кинигэтигэр маннык диэн суруйар:  “Биһиги дьиэ кэргэҥҥэ үгүс хаартыска баар, онно нууччалыы хааннаах дьахтар уонна самолеттар баалларын көрөн, интэриэһиргээн дьоммуттан туоһуласпытым. Эһэм Иван Иннокентьевич Кривогорницын төрүттэрин билиһиннэрэн кэпсээбитэ. Ол – сахалартан биир бастакы летчик дьахтар Татьяна Павловна Кривогорницына уонна кини бэйэтэ үөрэммит, көтүппүт самолеттан түһэрбит хаартыската эбит”. Онтон ыла Павел  чинчийэр үлэтин бырахпакка өссө кэҥэтэн, тэнитэн, хаҥатан, түмэн кинигэ оҥорон таһаарбытыттан киһи эрэ үөрэр, киэн туттар.

Олус диэн долгутуулаах киэһэбитигэр мааны ыалдьыт  буоллулар Павел ийэтэ Мария Ивановна Кривогорницына, Павел эһэтэ Иван Иннокентьевич,эбэтэ Елизавета Николаевна Кривогорницыннар,ветераннарбыт уонна нэһилиэк баһылыга В.И.Шарин. Бу тэрээһиҥҥэ оскуола оҕолоро кылаастарынан кыайыыны уһансыбыт аймахтарын туһунан чинчийэр үлэлэрин түмэн, альбом оҥорон үөрүүлээх быһыыга-майгыга оскуола музейыгар туттардылар.  Тэрээһини СР үөрэҕириитин туйгуна, музей салайааччыта Надежда Карловна Андросова хомоҕой тылынан салайан ыытта. 

Павелга биир кэлим эксээмэннэрин ситиһиилээхтик туттаран,  талбыт үөрэҕэр киирэригэр баҕарабыт.

                                                                           Туйаара Игнатьева, Мэлдьэхси

 

Просмотров: 215 | Добавил: school | Рейтинг: 0.0/0
Всего комментариев: 0
avatar
Поиск
Календарь
«  Май 2015  »
ПнВтСрЧтПтСбВс
    123
45678910
11121314151617
18192021222324
25262728293031
Телефон доверия: 8-(4112)-42-10-28 +7 (495) 104-68-38 Горячая линия ЕГЭ: 8-(4112)-42-10-46 ОГЭ : 8-(4112)-42-10-48 +7 (495) 984-89-19

Copyright MyCorp © 2018
Конструктор сайтов - uCoz